|||| رحلتي الى جزر حوار ||||

[Deep Sensation]

| | | | الســـلامـ عــليــكمـ والـرحمـة | | | |

+
+

| | | | مــــرآآآآحــب لـ الكـــل | | | |

+
+

أعرفكم على نفسي .. المرشدة السياحية Deep Sensation من مملكة البحرين << انتي اعلام شـ الي وداج سياحة ابي اعرف ..!! المهم اليوم راح اخذكم معاي رحلة الى جزيرة حوار .. وطبعاً لـ الي ما يعرف الجزيرة .. اهي جزيرة تابعة الى مملكة البحرين .. واذا حابين تتعرفون عليها زوود .. حياكم معاي ..

اول شي ويت .. صح قلت لكم تعالوا معاي .. بس مو جذي عاد ..

اول شي يبتون اغراضكم ..؟؟ لان احنا بنبات في الجزيرة ليلة وحدة .. يعني تحتاجون ثياب واكل وشغلات غيرها .. فـ عشان جذي كل واحد يحمل الاغراض الا يحس نفسه بـ يحتاجها .. وطبعاً لـ ليلة وحدة مو عشر .. :movingtongue:

خلصتون ..؟؟ يا الله حطووا اغراضكم في السكسكويل .. بس وييييت

لا تحطون الشنطة الا فيها الاكل .. لان بتاكلون داخل اليخت .. وطبعاً محد راح يعطي الثاني من عنده من الحين اقولكم ..

http://www.9m.com/upload/24-03-2007/0.231011747658.JPG

اليخت وصل .. يالله نركب .. بس شوي شوي لا تتداززون كلكم بتركبون :movingtongue:

http://www.9m.com/upload/24-03-2007/0.78544011747717.JPG

والحين وصلنا حوار والحمدلله على سلامتكم .. ولـ العلم الشاليهات التابعين لنا اهم 4 - 5 - 6 .. وطبعاً الشاليه رقم 5 لـ البنات .. وهذا اهوو << كيفي بس بحط شاليه البنات << عنصرية لوول

http://www.9m.com/upload/24-03-2007/0.968011747785.JPG

وبعد ما عرفتون شاليهاتكم .. كل واحد يدخل ويصلي .. ويزهب عمره لان بحط الغدا .. وطبعاً بعد الغدا لحد يقول بيرقد .. لان مستحيل احد يرقد .. احنا اهني يايين نستانس .. والي فيه رقدة يخليها لـ الليل او لين يرد بيتهم

>><< C ---- u ----- t >><< خلوا لي المايك وراح اشرح لكم رحلتنا أحسن

بعد ما خلصنا الغدا والحمدلله .. كنت انا وبنت عمي اول ناس خلصوا << مزاهيق لووول المهم انا كانت فيني رقدة من الزين يعني لو اسكر عيني رقدت .. المهم قالت شرايج نروح نتمريح برى ..؟؟

قلت لها افا عليج وطيرااان طلعنا نتمريح ..

http://www.9m.com/upload/24-03-2007/0.8011747413.JPG

وبعد ما تمريحنا << مثل اليهالوو لوول .. رحنا وقعدنا على هـ الطاولة الجميلة .. وقعدنا ناكل << لوول ما نشبع

http://www.9m.com/upload/24-03-2007/0.81899011747468.JPG

وطبعا واحنا في عز سوالفنا طلعوا الشباب يسبحون في البحر ... رايحين صووب إلي يحدقوون ...

http://www.9m.com/upload/24-03-2007/0.93881174741135.JPG

وبعدها أذن علينا وقمنا صلينا .. وقعدنا شوي في الشاليه على أساس بنريح قبل العشاء الي راح يطبخونه الشباب (( الأولاد )) لكن هيهات أحنا نرقد .. أقترحوا البنات (( أختي وبنات عمي ثنتينهم )) أن نسوي جولة سيراً على الأقدام .. وأحنا نتجول تعرفنا على ثلاث شبان << بس لا يروح تفكيركم بعيييد >> ...

علووي من البحرين

http://www.9m.com/upload/24-03-2007/0.1337301174741241.JPG

امير من البحرين

http://www.9m.com/upload/24-03-2007/0.68701174741294.JPG

محمد من الدمام

http://www.9m.com/upload/24-03-2007/0.92901174741361.JPG

وطبعاً لعبت وياهم بالكورة الي شايفينها مع محمد كم متش :biggrin2:

وبعد ما رجعنا قعدنا نساعد الشباب في تحضير العشاء خبركم الشباب ما بيقدرون يسونه كله ولو خلينا عليهم كل شي تسحرنا مو تعشينا ...

وأنا كان علي تقصيص البصل والطماط .. جوفوا بس تقصيصي يعجبكم تراني خبيرة في السلطات أحم أحم :chef: ...

http://www.9m.com/upload/24-03-2007/0.63251174741421.JPG

وبنت عمي سوت الآلوو ... لذيذ موو ..؟

http://www.9m.com/upload/24-03-2007/0.7887501174741497.JPG

ويت قبل لا نطلع براويكم شاليه الشباب بس وعد ما تخبرونهم إن انا صورت شاليهم :thmbup:

http://www.9m.com/upload/24-03-2007/0.84301174741588.JPG

http://www.9m.com/upload/24-03-2007/0.5214601174741649.JPG

http://www.9m.com/upload/24-03-2007/0.66289011747416.JPG

آخر نظافة وترتيب :clap2:

وبعدها طبعاً تعشينا والعشاء كان لذيذ وقعدنا نسولف مع الشباب والأمهات طبعا ما قدروا يقاومون النوم وهم والشباب الصغار وراحوا رقدوا .. أحنا ظلينا سهرانين ناكل حمبصيص (( كستنة )) والشباب في الشيشيه .. وهالشيشه لها قصة من جذي تشوفونها بهالشكل ...

http://www.9m.com/upload/24-03-2007/0.38701174741775.JPG

وبعدها رجعنا لدائرتنا الجميلة وبعدها يوا الشباب ويابوا لهم كرسي مثل كراسي القهاوي وقعدنا نسوي وبعدها كل واحد راح يرقد وكانت الساعه 1 وشي .. ووقت تلفوني على الساعه 4.30 على شان نشوف الفجر ... << حركاات والله >>

ورن تلفوني الساعه 4.30 بالضبط << أكيد راح يكون بالضبط >> وكانت النشيد الوطني مال برشلونه للي يعرفه طبعا على قولت أختي مزعج وما تحب تسمعه على شان جذي خليته .. وطلعنا من الشاليه وجان نجوف 4 غزلان بس يوم شافونا هربوا خخخخخخخ ... وأنتظرنا الشمس تطلع شوي وكان ترتيب طلعوا الشمس مثل ما أنتوا شايفين ...

http://www.9m.com/upload/24-03-2007/0.2534801174741886.JPG

http://www.9m.com/upload/24-03-2007/0.1977401174741963.JPG

http://www.9m.com/upload/24-03-2007/0.98661174741997.JPG

http://www.9m.com/upload/24-03-2007/0.76292011747426.JPG

وبعدها رحنا نصحي الشباب على شان يقعدون لكنهم طردونا .. خخخخخخ ... وفوق كل هذا خلونا نطلع من دريشة الشاليه مثل ما دخلنا << يازعم عقاب هاهاهاهاي بعدين انتظرناهم يقعدون لكن ما في فايدة فـ رحنا نسوي الريووق وأنا طبعا سويت بيض وطماط وبيض ولوبة :chef: << مو اقولكم طباخة ما تصدقون والأمهات سووا بلاليط .. والباقي اجبان وقيمر وزيتون وهالسوالف إلي ما تخلص ...


ويوم خلصنا رحنا تمريحنا << لوو المريحانات يتكلمون جان طردونا >> وشوي شوي نزلنا البحر وسبحنا لين قعدوا الشباب ... وبعدها قعدنا نسولف وياهم بعد ما تريقووا ... وعلى ما يا الظهر سوينا جولة سياحية في حوار بالباص ... وهذي بعض المناظر إلي في حوار ...

http://www.9m.com/upload/24-03-2007/0.52123011747423.JPG

http://www.9m.com/upload/24-03-2007/0.8399601174742233.JPG

http://www.9m.com/upload/24-03-2007/0.3783301174742259.JPG

وهذا فندق حوااار

http://www.9m.com/upload/24-03-2007/0.369011747422.JPG

وبعد ما خلصت الجولة السياحية رجعنا وكانت الساعه 1 تغدينا والغدا كان مندي ودياي وعيش أصفر وربيان مموش ... بعدها يا الباص الي يودينا لليخت ركبناه .. وخذينا لنا ساعه وربع تقريباً على ما وصلنا ... وبجذي أنتهت الرحلة إلى جزيرة حوار .. وكل واحد رد بيتهم ... وانخمدنا لثاني يوم ...

وإن شاء الله أستانستون بالرحلة ...

وقبل لا أخليكم حبيت أحط لكم صوورة صورتها وعجبتي

http://www.9m.com/upload/24-03-2007/0.6921801174742325.JPG


>> لـ العلم الرحلة كانت في عيد الفطر مو هذا الي قبله .. وان شاء الله راح احط لكم رحلة هـ العيد بس مب الحين اذا صار وقت <<

| | | | مـــع الســـلامـــة | | | |

+
+

Deep Sensation

[اسير الجروح]

والله استمتعت مع الرحلة الحلوة ..

والله تمنيت اني معاكم ..

لكن اذا في رحلة جاية .. انا اول الحاجزين ..

اوكـــ ..

لوووووووووول ..

مشكورة خيتووو ..

والله موضوع جميل جدا ..

تقبلي مروري ..

اخوكي اسيرالجروح ..

[Deep Sensation]

هلا هلا اخووي اسير الجرووح ..

منوور الرحلة .. اووبس اقصد المووضوع ..

و لا يهمك ان شاء الله اذا رحنا هـ المرة انت اول المعزومين .. وعلى حسابي بعد .. لووول << كريمة صح هاهاهاي

ويا هلا والله اخوي


Deep Sensation

[سارووونه]

ياقلبي عليك ياديبو
الرحله والله ممتعه معاك
الله يخليك الرحله الثانيه لازم اروح معاك
:LSHIC: :LSHIC: :LSHIC:
ابغى اروح ... ابغى اروح

[Deep Sensation]

هلا هلا قلبووو ساروونة ..

افا عليج بس الرحلة الياية ..

اذا تبيني احجز لج الحين ونروح حوار ما اقول شي

بس برد .. لوووول

ويا هلا والله قلبوو



Deep Sensation

[ريانه]

رووووعه الصور و الله استمتعت
و يعطيك العافيه ع الموضوع

[عاشقةالروح]

يالله والله انك حنستيني في الطلعة الى هذي الجزر

والله من جد روعة وعلى قولت اخونا اسير اذا في طلعة ثانية كلمينا على شان نروح معاكم

تحياتي لك

[فجر العشكَـ]

مشكور خويه على الصور والرحله الممتعه
ان شاء الله اتونست
تحياتي

[Deep Sensation]

ريانة

عاشقة الروح

فجر العشكَـ

يا هلا والله .. منورين الموضوع بطلتكم ..

وافا عليكم ولا يهمكم مرة ثانية كلكم تروحون معاي ..

ما اروح الا ريلي على ريلكم ..

ويا هلا والله


Deep Sensation

[ktikita2605]

ما شاء الله عليك و الله متعتيني كثير كانني سافرت معاكم.
حلوة ما شاء الله
تقبلي مروري
اختك من المغرب